Гродненщина - вчера и сегодня

Прадмову да “Кнігі Юдзіф” прачытаюць на розных мовах свету

12.04.2017,
13 красавіка ў абласной навуковай бібліятэцы імя Я. Карскага ў Новым замку пройдзе акцыя “Чытаем разам”. Вядомыя гродзенцы, студэнты, вучні і ўсе жадаючыя змогуць дакрануцца да творчай спадчыны Скарыны.
 

Як паведамілі ў бібліятэцы, сярод цікавых выданняў у іх ёсць кніга, што змяшчае вядомую прадмову да “Кнігі Юдзіф”, перакладзеную на некалькі дзясяткаў моў свету. Студэнты-замежнікі ГрДУ імя Янкі Купалы выступілі з ініцыятывай прачытаць знакамітыя радкі “Як звяры, што блукаюць у пушчы, ад нараджэння ведаюць сховы свае…” на замежных мовах. Пачуць слова Скарыны можна будзе на узбекскай, італьянскай, англійскай, французскай, вьетнамскай і іншых мовах. Таксама падчас імпрэзы будуць зачытвацца творы беларускіх аўтараў, прысвечаныя першадрукару.

Пачатак літаратурнай акцыі ў 14.00.

Фота з архіву "ГП"
Таццяна КУЗНЯЧЭНКАВА
Комментарии (0)