Гродненщина - вчера и сегодня

Акцыя “Чытаем па-беларуску” пройдзе ў бібліятэках Гродна і вобласці

08.09.2017.
Яна прымеркавана да 500-годдзя беларускага кнігадрукавання. У межах акцыі пісьменнікі Гродна правядуць творчыя сустрэчы з чытачамі і прэзентцуюць свае новыя кнігі.

Так, 12 верасня ў СШ № 3 г. Гродна на творчую сустрэчу запрашаюць паэты Браніслаў Ермашкевіч, Людміла Шаўчэнка і Дзмітрый Радзівончык. Пачатак у 13.30. На наступны дзень гасцямі літаратурнай імпрэзы стануць Людміла Кебіч і Ганна Скаржынская-Савіцкая. Распачнецца яна а 11-й гадзіне ў дзіцячым філіяле абласной навуковай бібліятэкі імя Я.Карскага.

14 верасня адбудуцца адразу тры сустрэчы ў розных кніжніцах горада. Тых, хто хоча сустрэцца з дзіцячай пісьменніцай Ганнай Скаржынскай-Савіцкай, чакаюць у 12.30 у бібліятэцы № 7, што знаходзіцца па вуліцы Камарова, 5. У бібліятэцы №8 (БЛК, 43) выступіць Любміла Кебіч, а ў бібліятэцы №1, што па вуліцы Даватара, 21, у 14.30 распачнецца творчая сустрэча з Пятром Сямінскім.

Завершыць тыдзень сустрэча з бардам, паэтам Анатолем Апанасевічам і паэтэсай Людмілай Шаўчэнка ў Мастоўскай раённай бібліятэцы. Яе пачатак – а 14-й гадзіне.


ВАРТА ПАЧЫТАЦЬ:

Пісьменнікі сталі настаўнікамі для гродзенскіх школьнікаў

Вершы Янкі Купалы чыталі на 11 мовах свету ў Гродзенскім дзяржаўным універсітэце, які носіць яго імя

175-годдзе з дня нараджэння Элізы Ажэшкі святкалі ў Гродна


Фото з архіва "ГП"
Таццяна Мастоўская
Комментарии (0)