Абласны семінар па жывёлагадоўлі прайшоў на Дзятлаўшчыне (+відэа)
На семінары абмяркоўваліся вынікі работы ў жывёлагадоўлі за сем месяцаў 2018 года і навядзенне парадку на сельскагаспадарчых аб’ектах.
Узначаліў семінар-нараду першы намеснік старшыні Гродзенскага аблвыканкама Іван Жук.
У мерапрыемстве прымалі ўдзел кіраўнікі і спецыялісты абласных службаў і арганізацый, начальнікі райсельгасхарчаў, іх намеснікі па жывёлагадоўлі і раслінаводстве, галоўныя ветэрынарныя ўрачы і іншыя вядучыя спецыялісты з Дзятлаўскага, Воранаўскага, Лідскага, Ашмянскага, Карэліцкага, Астравецкага, Смаргонскага, Навагрудскага і Іўеўскага раёнаў.
На семінары ішла гаворка аб эфектыўнасці работы жывёлагадоўчых аб’ектаў, пытаннях арганізацыі вытворчасці прадуктаў жывёлагадоўлі.
Удзельнікі яго наведалі некалькі мехмайстэрняў і расліннаводчых аб’ектаў.
Адзін з іх - ААТ “Граніт-Агра”.
