Невядомую цагляную муроўку знайшлі ў Крэўскім замку

Невядомую цагляную муроўку знайшлі ў Крэўскім замку

Падчас кансервацыйных работ на Крэўскім замку-кастэлі выяўлена невядомая дагэтуль цагляная муроўка каля паўночна-ўсходняй сцяны, піша  “Светлы шлях”.

15126575a6c263122c8a9594eeff3e13.jpgb56f7c5843f43a998dc30a9f2d6d6074.jpg

Старшы навуковы супрацоўнік інстытута гісторыі Нацыянальнай акадэміі навук Беларусі, кандыдат гістарычных навук, дацэнт Алег Дзярновіч, які ажыццяўляе археалагічны нагляд за ходам работ на гэтым аб’екце, прапанаваў унесці карэктыроўку ў рэстаўрацыйны праект. Участак гэты не тыповы для пабудовы, якая ўзводзілася ў ХІV стагоддзі з бутавага каменя. А тут, пасля ачысткі ад друзу і іншага смецця, адкрыўся фрагмент з буйной цэглы. Ніякіх гістарычных звестак пра гэта збудаванне ў архівах і вядомых даследчых дакументах няма. Таму вялікі аб’ём работы чакае даследчыкаў крэўскай даўніны, археолагаў, гісторыкаў.

3f1dc7c9007e2f5d5a6ea9f69ecb6117.jpg327853c3e5061006da8eb8078c0a8924.jpg1a70af5451f2c06f85a204937485793b.jpgc9bcab589071f893bc2e5acdeec450b8.jpgedf053bd4f27494a2191bb9653599f22.jpg

Алег Дзярновіч у інтэрвью сродкам мясцовай масавай інфармацыі распавёў і пра іншыя знаходкі падчас археалагічных раскопак гэтага пошукавага сезона. Шмат цікавых артэфактаў знойдзена як на тэрыторыі Крэўскага замка, так і на гарадзішчы. Валанцёры, аматары гісторыі, якія шукаюць ў зямлі рэшткі ад былых эпох, знайшлі на старажытным гарадзішчы шмат так званых статусных рэчаў, альбо іх фрагментаў, што сведчыць пра заможнасць тагачасных жыхароў і досыць высокае развіццё рамёстваў і гандлю на гэтых землях.


Оперативные и актуальные новости Гродно и области в нашем Telegram-канале. Подписывайтесь по ссылке!