Ролю сняжыстага Марозу з верша Янкі Купалы выконвае Ілля Бурнос. Чарговы твор у нашым праекце “Вершы на свята”

Ролю сняжыстага Марозу з верша Янкі Купалы выконвае Ілля Бурнос. Чарговы твор у нашым праекце “Вершы на свята”

Ролю сняжыстага Марозу з верша Янкі Купалы выконвае Ілля Бурнос. Чарговы твор у нашым праекце “Вершы на свята”

Ёсць у багатай літаратурнай спадчыне Янкі Купалы твор, дзе лірычны герой – сам Мароз: сняжысты і ўсясільны. Чытае гэты верш Ілля Бурнос. Хлопчык захапляецца хіп-хопам, грае на фартэпіяна, вывучае замежную мову.

Таксама ён – удзельнік музычна-драматычнага тэатру “Гарадзенскі званочак”, што працуе пры Цэнтры культуры горада Гродна. Ілля выдатна ўжываецца ў ролі – сапраўдны артыст. Да таго ж, у рэпертуары калектыву ёсць пастаноўкі на беларускай мове.

Мне падабаецца беларуская мова, яна прыгожая. Бывае, не адразу атрымліваецца вывучыць верш, але я стараюся. У нас нават быў спектакль “Пугала і Бусляня”, дзе я іграў Бусляня. Мне ён вельмі спадабаўся, – распавёў нам Ілля.

Дарэчы, спадабаўся твор не толькі нашаму герою. У свой час гэта пастаноўка па матывах беларускіх і славацкіх народных казак станавілася лаўрэатам многіх конкурсаў і фестываляў, у тым ліку міжнародных. Напрыклад, на XIV Міжнародным фестывалі дзіцячых і юнацкіх тэатраў “Балтык-Сатэлід 2016”, што праходзіў у польскім горадзе Сейны, “Гарадзенскі званочак” атрымаў дыплом першай ступені. Ганаровае месца прынёс гэты спектакль нашаму калектыву і ў Санкт-Пецярбургу на міжнародным фестывалі “Тэатральны калейдаскоп” у межах фестывалю дзіцячай і юнацкай творчасці “Я магу!”.

Янка Купала  Мароз

Іду я, сняжысты, ўсясільны,

Па сцежках-пуцінах пустых,

І ночкай, і днём безупынна

Пільную абшараў сваіх.

Бязмежна, ўладарна паную

Пад сховаю пушчавых вех,

Каронаю бор мне зялёны,

А тронам-пасадам бел-снег.

Палац мой — лес буйны, вяцвісты

Ірдзіцца брыльянтамі скрозь,

Мне воўк і мядзведзь у паслугах,

Мне служаць вавёрка і лось.

Як пухам, сняжком пасыпаю

І хвою, і ёлку, і клён;

Хто ў госці ка мне забярэцца,

Тулю тых, галублю іх сон.

І казкі шапчу ім аб шчасці,

І цемру зганяю з вачэй...

Хадзіце, хадзіце к Марозу!

Хадзіце у госці хутчэй!