Чытайце Багдановіча і атрымлівайце падарункі! Творчы конкурс запускае музей імя класіка

Сёння спаўняецца 129 гадоў з дня нараджэння класіка беларускай літаратуры, паэта Максіма Багдановіча. 

З гэтай нагоды ўсе жадаючыя запрашаюцца да ўдзелу ў анлайн-мерапрыемстве “І вее верш мой дзіўнай казкай…”. 

Усё, што трэба зрабіць, – прачытаць любы верш ці ўрывак з твора класіка на памяць або з кнігі, запісаць відэа і да 14 снежня даслаць на электронны адрас Музея Максіма Багдановіча: bagdanovichmuseum.by@gmail.com. 

Творчы падыход толькі ўхваля-ецца! Да прыкладу, можна дапоўніць відэаролік музычным суправаджэннем ці нават зрабіць невялікую тэатралізацыю. 

Відэа ўдзельнікаў будуць змешчаны на сайце музея. А аўтары пяці самых цікавых і арыгінальных атрымаюць падарункі.

Падрабязнасці можна знайсці на сайце музея. 

Оперативные и актуальные новости Гродно и области в нашем Telegram-канале. Подписывайтесь по ссылке!