У абласной бібліятэцы імя Карскага прэзентавалі навінкі друку. Іх аутары – лаўрэаты III Абласнога конкурсу рукапісаў імя Цёткі

У абласной бібліятэцы імя Карскага прэзентавалі навінкі друку. Іх аутары – лаўрэаты III Абласнога конкурсу рукапісаў імя Цёткі

У Гродзенскай абласной навуковай бібліятэцы імя Я.Ф. Карскага ўвазе чытачоў, якія не проста любяць літаратуру, але і, безумоўна, заўсёды сочаць за навінкамі  кніг, было прадстаўлена шэсць зборнікаў вядомых гродзенскіх пісьменнікаў. Новыя кнігі аўтараў з'яўляюцца пераможцамі розных намінацый на III Абласным конкурсе рукапісаў імя Цёткі.

DSC_0482.JPGDSC_0432.JPGDSC_0480.JPG

Кніга беларускай паэтэсы, старшыні Гродзенскага абласнога аддзялення Саюза пісьменнікаў Беларусі Людмілы Кебіч "Трыялеты. Тэрцыны. Рандэлі", напрыклад, была адзначана ў намінацыі “Паэзія". Дарэчы, тры графічных малюнка для кнігі намялявала ўнучка аўтара, якая вучыцца ў мастацкім класе ў гімназіі №5 горада Гродна.

кебич.JPG
– Мая кніга складаецца з трох раздзелаў. Тут трыялеты, тэрцыны і рандэлі. Гэта так званыя цвердыя формы, якія ўзніклі ў літаратурнай паэтычнай творчасці старажытнай Францыі. У нашу беларускую літаратуру прынёс гэтыя формы Максім Багдановіч. Гэта вельмі цікавыя формы, трошачкі гульнёвыя для паэта, – адзначыла Людміла Кебіч.

Ганна Скаржынская-Савіцкая, дзіцячая пісьменніца, лаўрэат прэміі імя А.І. Дубко і нацыянальнай літаратурнай прэміі, прэзентавала дзве кнігі: “А ў нас – зорны час” і “Сема і Адзінка”. Малюнкі для сваіх кніг аўтар стварыла сама. На III Абласным конкурсе рукапісаў імя Цёткі пісьменніца стала лаўрэатам у намінацыі “Дзіцячая літаратура”.

ганна с-с.JPG
– Першая кніга “А ў нас – зорны час” – гэта суцэльная казка на беларускія фразеалагізмы. Задума напісаць гэтую кнігу ў мяне прыйшла пасля таго, як я зразумела, што кнігу “Кветка малой радзімы”, у якой я патлумачыла ў казках і апавяданнях сэнс 50-ці беларускіх прыказак і прымавак, знайшла свайго юнага чытача. Кніга “Сема і Адзінка”, вокладку якой я стварыла сама, – гэта таксама казкі для дзяцей, – распавяла дзіцячая пісьменніца.

нини Р.JPG
Кніга “Кожны стрэчны нам – настаўнік” стала пераможцам у намінацыі “Публіцыстыка”. Яе напісала Ніна Рыбік, галоўны рэдактар газеты “Астравецкая праўда”.

– Я доўга працую ў журналістыцы, і за гэты час было шмат сур'ёзных, на маю думку, артыкулаў, нарысаў, разважанняў. І я адважылася сабраць іх у адзін рукапіс і падаць на конкурс, лаўрэатам якога я з'яўляюся двойчы, – падзялілася Ніна Рыбік.

DSC_0444.JPG

Не менш цікавую кніжную навіну прадставіў паэт, кампазітар і выканаўца песен Андрэй Татура. На конкурс ён падаў кнігу «Ключ от всех дверей» і стаў лаўрэатам у намінацыі «Адкрыццё года».

DSC_0513.JPG

андрей.JPG
– Больш за 20 гадоў я пішу песні, у мяне таксама ёсць свая музычная група. Але падзяляю песенную паэзію на паэзію літаратурную. Каля года таму вырашыў сябе паспрабаваць менавіта ў літаратурнай паэзіі. Кніга «Ключ от всех дверей» – пра ўсё: ад чаго-то гумарыстычнага да больш сумнага, – распавёў аўтар.

Таксама на прэзентацыі чытачы змаглі азнаёміцца з кнігай “Этюд о янтарном комарике”, якая заняла першае месца ў намінацыі "Проза".

DSC_0450.JPG

Оперативные и актуальные новости Гродно и области в нашем Telegram-канале. Подписывайтесь по ссылке!

Редакция газеты «Гродненская правда»