З новым годам, сябры! У праекце “Вершы на свята” – твор Янкі Сіпакова пра краіну Сінягорыю

У першы дзень новага 2020 года вас, чытачоў “Гродзенскай праўды”, мы віншуем добрым вершам Янкі Сіпакова “Сінягорыя” пра казачную краіну, што можна пабачыць толькі ў асаблівую пару года. Чаму? Слухайце і пра ўсё даведаецеся.

Менавіта гэта твор абрала для чытання намеснік галоўнага рэдактара “Гродзенскай праўды” Алеся Робак. І дарыць яго вам. Дарэчы, калі б запыталі ў родных Алесі Аляксандраўны, ці расказвала яна ў дзяцінстве вершы Дзеду Марозу, яны б, напэўна, згадалі б, што ўжо ў трохгадовым узросце яна ведала напамяць увесь зборнік твораў Маршака! Вось такія таленавітыя людзі працуюць у “Гродзенскай праўдзе”!

Янка Сіпакоў


Ёсць летуценні сінія —

Сіней ад аснежаных ранкаў,

Краіна ёсць — Сінягорыя,

Прывезеная на санках.

 
Над ёй галаруч завіхаюцца

Па вушы мокрыя дойліды,

Рукі ў кішэнях грэюць,

Калі пальцы ад снегу зойдуцца...


Мараць у снежных сценах,

Мараць у белых палацах,

Якія жывуць толькі ў казках,

Сівым архітэктарам сняцца.

 
Калі спаць прымушаюць дойлідаў —

У парках, нібы ў музеях,

Сумаваць без іх застаюцца

Напаўразбураныя калізеі.


Імі ўсю ноч любуюцца

Паклонніцы і паклоннікі —

Іх снежныя бабы вартуюць,

Як белага дойлідства помнікі.
Прывезеную на санках.