У Дзятлаве прайшоў раённы конкурс прыгажосці і грацыі “Краса Дзятлаўшчыны-2019”

У конкурсе прынялі ўдзел шэсць дзяўчат.

Гэтае мерапрыемства традыцыйнае і яго арганізавалі раённы аддзел ідэалагічнай работы, культуры і па справах моладзі і сектар па рабоце з моладдзю Цэнтра культуры і народнай творчасці.

IMG_0541.jpgIMG_0534.jpgIMG_0581.jpg

Спонсарамі конкурсу сталі прадстаўнік турыстычнай кампаніі “Лассе-Тур” Анастасія Госцева і майстар перманентнага макіяжу г. Мінск-Віцебск Аляксандр Крышан.


У конкурсе прынялі ўдзел шэсць дзяўчат – прадстаўніцы КСУП “Жукоўшчына”, ААТ “Граніт-Агра”, СШ № 3 горада Дзятлава, цэнтральнай раённай бальніцы, райспажыўтаварыства, Дзятлаўскай музычнай школы.

Пад № 1 — Лізавета Фралова, якая прытрымліваецца жыццёвага прынцыпу: ніколі не бойся, што можа штосьці не атрымацца, спрабуй, імкніся, прадпрымай!

IMG_0591.jpg

Нумар 2 дастаўся Ірыне Лішык. Сябе яна пазіцыянуе, як аптымістку, раіць ніколі не апускаць рук, усміхацца і не сумаваць. Выступаць пад № 3 давялося Дар’і Кончык. Яе мара – мець добрую сваю сям’ю, знайсці сваё месца ў жыцці.

IMG_0596.jpgIMG_0600.jpg

Удзельніца пад № 4 – Анастасія Варэйка лічыць, што не варта быць лепшай за ўсіх, трэба быць лепшай за сябе ўчарашнюю.

IMG_0603-2.jpg

Нумар 5 выпаў Валерыі Аніська. “Я радуюся кожнаму дню, які надыходзіць, — кажа дзяўчына, — і стараюся радаваць іншых”.

IMG_0625.jpg

А вось канкурсантка пад № 6 – Ганна Нікіпорчык лічыць, што мара можа стаць рэальнасцю, калі прыкласці намаганні.

IMG_0609.jpg

Падтрымаць іх, “пахварэць” за канкурсантак сабраліся ў зале Дзятлаўскага дома культуры калегі, сябры, родныя, знаёмыя.

Выпрабаванні дзяўчатам былі прапанаваны розныя. І першыя – дэфіле ў вобразах касмічных Снягурак і конкурс хатняе заданне — “прэзентацыя сябе”. Усе прыгажуні справіліся з імі выдатна. А найлепш – Лізавета Фралова, якая за дэфіле і відэапрэзентацыю набрала ў суме 72 балы.

IMG_0631.jpgIMG_0643.jpg

Свае таленты пераўвасабляцца дзяўчаты дэманстравалі ў час творчага задання “Новы год і Каляды – свята пажаданняў і надзей”. Тут самыя высокія балы атрымала зноў- такі канкурсантка пад нумарам 1 медык Лізавета Фралова за свой адмысловы малюнак. Але і іншыя выдатна імправізавалі, ігралі, спявалі, танцавалі.

IMG_0693.jpg


Інтэлектуальны конкурс запатрабаваў эрудыцыі, кемлівасці, умення выказаць сваё меркаванне. Пытанні і прапановы ад вядучых былі самыя нечаканыя: напрыклад, падарожжа ў свой самы лепшы час ці на конкурс “Міс Беларусь”, выступіць дыктарам з навагоднім пажаданнем… І тут лідарства перахапіла ўдзельніца пад № 5 Валерыя Аніська. Яна набрала амаль максімальную колькасць балаў у гэтым і наступным конкурсе —дэфіле ў шортах. Дарэчы, такое заданне было прапанавана ўпершыню, але дзяўчаты вельмі задорна станцавалі пад лацінаамерыканскія матывы.

IMG_0723.jpg

Апошнім выпрабаваннем аказаўся выхад у вясельных сукенках. Самай прыгожай нявестай выглядала Ганна Нікіпорчык, якой журы паставіла 38 балаў.

Пакуль журы вызначала, хто з дзяўчат годны тытула “Міс краса Дзятлаўшчыны”, прысутныя ў зале маглі пабачыць кулінарныя кампазіцыі канкурсантак і ацаніць іх кулінарныя здольнасці. Таксама гледачам можна было падаць свой “голас” за тую ўдзельніцу, хто найбольш спадабаўся.

IMG_0696.jpg

Журы,а ў склад яго ўвайшлі Уладзімір Казак, старшыня райкама прафсаюза работнікаў АПК, Наталля Калодка, начальнік аддзела ідэалагічнай работы, культуры і па справах моладзі, Васіль Шыцько, намеснік начальніка названага аддзела, Аляксей Якаўчык, галоўны спецыяліст гэтага аддзела, Алена Жадзейка, старшыня раённай арганізацыі ГА “Беларускі саюз жанчын”, Кацярына Хілімончык, першы сакратар райкама ГА “БРСМ” і спонсары – Анастасія Госцева і Аляксандр Крышан, няпроста было зрабіць канчатковы выбар, бо кожная з удзельніц выступіла выдатна, праявіла сябе ў тым ці іншым конкурсе.


IMG_0885.jpg

І ўсё ж уладальніцай тытула “Міс сімпатый гледачоў-2019” стала Анастасія Варэйка. Тытул “Міс топ-мадэль-2019” прысуджаны Дар’і Кончык. Самай фотагенічнай прызнана Ірына Лішык, якая атрымала тытул “Міс фота-2019”.

Другой віцэ-міс стала Лізавета Фралова, тытул першай віцэ-міс прысуджаны Ганне Нікіпорчык. І ўладальніцай тытула “Краса Дзятлаўшчыны-2019 стала Валерыя Аніська, якая нядаўна прыехала на Дзятлаўшчыну і першы год працуе эканамістам ў КСУП “Жукоўшчына”.

Дзяўчат павітала міссіс Дзятлаўшчыны-2018 Анастасія Голуб. Яна пажадала быць заўсёды вабнымі, шчаслівымі, удачлівымі. Ёй выпала прыемная місія: надзець карону пераможцы – Валерыі Аніська.

Святочны настрой у зале падтрымлівалі мясцовыя артысты –група “Бархат”, Улад Чарняўскі, Улад Ракуць, Ілья Панько, удзельнікі студыі “Марсі”, Максім Маліноўскі, Максім Юганаў, Лізавета Іода, Вікторыя Кончык, Улад Добыш.

IMG_0956.jpg

Прыемным было ўзнагароджанне. Удзельніцы атрымалі падарункі і букеты кветак ад сваіх калег па працы, наборы ад прадстаўніка касметычнай кампаніі “Арыфлэйм” Марыны Шаўчук, грашовыя ўзнагароджанні ад арганізатараў, падарункі ад спонсараў. Самы важкі падарунак, зразумела, дастаўся пераможцы – карона і сертыфікат на трохдзённую паездку ў Санкт-Пецярбург.

IMG_1282.jpg

Інтэрв’ю з прыгажуняй Валерыяй Аніська

Пераможца конкурсу грацыі і таленту “Краса Дзятлаўшчыны-2019” адказала на пытанні карэспандэнта газеты “Перамога”.

-Які з прапанаваных конкурсаў быў самы цяжкі?

-Цяжкіх заданняў для мяне асабіста не было. У першым адчувала крыху хваляванне, але хутка справілася.

-А самы лёгкі конкурс…

—Дэфіле ў вячэрніх сукенках.

-Калі б вам, Валерыя, давялося арганізоўваць конкурс прыгажосці, якое спаборніцтва дадалі б?

—Усяго было дастаткова: прэзентацыя, некалькі дэфіле, творчы, інтэлектуальны, кулінарны конкурсы. Дабаўляць бы нічога не стала.

-Калі б вы былі спонсарам з неабмежаванымі магчымасцямі…

—Я падарыла б падарожжа кожнай канкурсантцы. Стараліся ўсе. Знаходзілі час на рэпетыціі, а мы ж усе працуем. Пераадолелі свае сумненні, няўпэўненасць, страх перад аўдыторыяй.

-Хто за вас найбольш перажываў?

—Зразумела, мама. Яна спецыяльна прыехала з Гродна, каб падтрымаць, дапамагчы. І яшчэ каманда з Жукоўшыны, якая вельмі “хварэла” за мяне. Усім вялікі дзякуй!
Редакция газеты «Гродненская правда»