«Гродзенская праўда» падрыхтавала ўнікальную фотавыставу да Дня народнага адзінства
Запрашаем жыхароў і гасцей горада наведаць унікальную фотавыставу «Дзень народнага адзінства ў архіўных фотаздымках», якая адкрылася ў гандлёва-забаўляльным комплексе TRINITI!
Гэты сумесны праект газеты «Гродзенская праўда» і Дзяржаўнага архіва грамадскіх аб’яднанняў Гродзенскай вобласці прысвечаны аднаму з важнейшых святаў сучаснай Беларусі – Дню народнага адзінства.
У экспазіцыі прадстаўлены рэдкія гістарычныя кадры, якія дазваляюць зазірнуць у мінулае і адчуць атмасферу эпохі, калі закладваўся падмурак адзінства нашага народа.
Кожны здымак – гэта жывая гісторыя Гродзеншчыны, захаваная ў архіўных фондах. Выстава паказвае, як праз гады і пакаленні праносіліся каштоўнасці згуртаванасці, працы і вернасці роднаму краю.
Оперативные и актуальные новости Гродно и области в нашем Telegram-канале. Подписывайтесь по ссылке!
