Першымі ў Шчучынскім раёне святкавалі “Дажынкі” хлебаробы ААТ "Васілішкі"

 	 Першымі ў Шчучынскім раёне святкавалі “Дажынкі” хлебаробы ААТ "Васілішкі"

Традыцыйнае свята хлебаробаў сабрала разам дружны і згуртаваны калектыў ААТ “Васілішкі” і жыхароў аграгарадка. Пасля напружанай працы на палях земляробы сельгаспрадпрыемства суботнім вечарам нарэшце маглі расслабіцца. Ля Васілішкаўскага цэнтра культуры прайшлі «Дажынкі», расказвае "Дзянніца".

1а.jpg

Галоўнымі героямі свята сталі не толькі тыя, хто ўбіраў хлеб і адвозіў яго ад камбайнаў, але і тыя, хто закладваў аснову будучага ўраджаю: араў, сеяў, даглядаў пасевы. Адным словам, усе земляробы гаспадаркі. Павіншаваць хлебаробаў з завяршэннем жніва прыехаў прафсаюзны лідар аграрыяў Генрых Юрэвіч.

2а.jpg

3.jpg

4.jpg

Сімваламі дажынак з’яўляюцца каравай, выпечаны са збожжа новага ўраджаю, і сноп з важкіх, налітых спелым зернем каласоў. На свяце іх уручылі дырэктару ААТ “Васілішкі” Уладзіміру Серахану і начальніку вытворчасці раслінаводчай прадукцыі Івану Кімашэўскаму.

Дырэктар сельгаспрадпрыемства Уладзімір Серахан звярнуўся да ўдзельнікаў уборкі са словамі падзякі за паспяхова праведзенае жніво: “Наша гаспадарка ўбрала збожжавыя без страт у лепшыя агратэхнічныя тэрміны, выконваючы ўсе меры бяспекі. Упершыню ў гісторыі гаспадаркі васілішкаўскія хлебаробы атрымалі такі багаты ўраджай зерня. У нас самы высокі ў Гродзенскай вобласці валавы збор збожжа. Гэта вельмі сур’ёзныя перадумовы для далейшага развіцця галіны жывёлагадоўлі. Усяго было сабрана больш за 41 тысячу тон збожжавых пры ўраджайнасці 60,2 ц/га, рапсу больш за 5 тысяч тон пры ўраджайнасці 48 ц/га. І гэты вынік не выпадковы. Кожны з камбайнераў і вадзіцеляў, спецыялістаў, загадчыкаў участкаў, увесь працоўны калектыў уклаў у агульную справу ўсё сваё ўменне і прафесіяналізм. Жніво - галоўны экзамен хлебароба, і ў ААТ «Васілішкі» яго вытрымалі годна. Зараз усе нашы клопаты пра ўраджай 2021 года, які павінен быць яшчэ больш важкі“.

5.jpg

6.jpg

7.jpg

21.jpg

Уладзімір Часлававіч падзякаваў усім удзельнікам жніва за зладжаную працу, пажадаў ім і іх сем’ям здароўя і дабрабыту.

З важкім караваем павіншаваў васілішкаўскіх хлебаробаў старшыня раённай арганізацыі прафсаюза работнікаў аграпрамысловага комплексу Генрых Юрэвіч.

 8.jpg

-- Сёння мы падводзім рысу працы на працягу цэлага года, віншуем усіх тых, хто самааддана працаваў на хлебнай ніве. Асобная ўдзячнасць – перадавікам, якія не першы год пачэсна займаюць п’едэстал пераможцаў жніва.  Вынікі ўборачнай кампаніі не могуць не радаваць. У гэтым годзе ўклад Шчучынскага раёна ў агульны абласны каравай склаў амаль 135 тысяч тон збожжа, --  адзначыў Генрых Іосіфавіч. -- Я ўдзячны ўсім працаўнікам, усім спецыялістам за атрыманы ўраджай, за тое, што ўборачная пара прайшла арганізавана і спакойна. У цэлым ураджайнасць у раёне склала 57,5 цэнтнера з гектара. Гэта добры вынік, атрымана збожжа на 45 тысяч тон больш, чым у мінулым годзе. Упэўнены, што дасягнутыя лічбы не мяжа, у нас ёсць усе рэзервы, каб і ў далейшым засыпаць багатыя засекі.

Са словамі віншаванняў звярнуліся таксама да земляробаў начальнік вытворчасці раслінаводчай прадукцыі Іван Кімашэўскі і старшыня Васілішкаўскага сельвыканкама Тамара Зубрыцкая.

А завяршылася афіцыйная частка мерапрыемства ўзнагароджаннем ўсіх, хто ўдзельнічаў ва ўборцы ўраджаю. На ўрачыстасці прагучалі імёны пераможцаў жніва: камбайнераў, вадзіцеляў, занятых на адвозцы зерня, аператараў зернесушыльных комплексаў. Высокіх вынікаў на жніве дасягнулі не толькі вопытныя хлебаробы, але і моладзь – пераможцам у сваіх намінацыях таксама былі ўручаны заслужаныя ўзнагароды. Дарэчы, сярод тых, хто ў сёлетнім жніве выклаўся па поўнай і ў раённы каравай унёс важкі ўклад у тры тысячы тон, значацца 2 камбайнеры і 8 вадзіцеляў.

9.jpg

19.jpg

10.jpg

12.jpg

22.jpg

14.jpg

15.jpg

Трэба адзначыць, аграгарадок Васілішкі быў старанна падрыхтаваны да мерапрыемства. Атмасферу свята на “Дажынках” стваралі музычныя нумары народнага ансамбля песні «Васільковая раніца», а таксама гродзенскіх артыстаў.

“Дажынкі” ў Васілішках прайшлі як заўсёды весела - з песнямі, падарункамі і пачастункамі. Але нават у святочных гутарках сённяшнія героі жніва абмяркоўвалі тое, што яшчэ трэба зрабіць заўтра, таму што, як вядома, сапраўдны адпачынак працаўнікоў вёскі пачынаецца толькі з надыходам зімы.

16.jpg

17.jpg

Оперативные и актуальные новости Гродно и области в нашем Telegram-канале. Подписывайтесь по ссылке

Редакция газеты «Гродненская правда»