Гродзенскі раённы культурна-інфармацыйны цэнтр запрашае на майстар-клас
Ён пройдзе 26 сакавіка.
У вас ёсць унікальная магчымасць зрабіць сваю традыцыйную вярбу, а дапаможа вам у гэтай справе народны майстар Рэспублікі Беларусь Ірына Шавельская, якая для іх вырабу выкарыстоўвае самыя разнастайныя па фактуры матэрыялы: каласы аўса і жыта, розныя травы (цімафееўка, мятлік і іншыя).
Выраб велікодных вербаў (дэкарыраванне вербных галінак) – гэта адметная тэхналогія вырабу раслінна-кветкавых кампазіцый да Вербнай нядзелі.
Вербы з’яўляюцца святочным атрыбутам і, адначасова, сапраўдным творам народнага мастацтва. Робяцца яны абавязкова на трох галінках вярбы, дзе плецены дэкаратыўна-кветкавы ўзор размяшчаецца сіметрычна.
Выраб велікодных вербаў (пальмаў) на тэрыторыі паўночна-заходняй Гродзеншчыны ў 2014 годзе атрымаў статус гісторыка-культурнай каштоўнасці Рэспублікі Беларусь.
Оперативные и актуальные новости Гродно и области в нашем Telegram-канале. Подписывайтесь по ссылке!
