Літаратурная старонка "З наднёманскіх сшыткаў"
Дарагія сябры, паважаныя чытачы газеты "Гродзенская праўда"! Гродзенскае абласное аддзяленне грамадскага аб’яднання "Саюз пісьменнікаў Беларусі" вітае вас на літаратурнай старонцы пад назвай "З наднёманскіх сшыткаў". Першы раздзел рубрыкі прысвечаны паэзіі.
У сумесным праекце гродзенскіх літаратараў і галоўнай газеты прынёманскага краю вы можаце дакрануцца да творчасці аўтараў сучаснай мастацкай літаратуры, якія жывуць сёння побач з вамі, у горадзе Гродна і Гродзенскай вобласці, зазірнуць на старонкі іх біяграфій. Літаратура разам з музыкай, тэатрам, жывапісам заўсёды была і застаецца неад’емнай часткай грамадскага жыцця. Роднае мастацкае слова, створанае нашымі землякамі, сучаснікамі, не толькі працягвае культурныя традыцыі Гродзеншчыны, але і запрашае вас да дыялогу. Паважаныя сябры, мы спадзяемся на тое, што сучасная літаратура нашага краю атрымае водгук у вашых сэрцах, натхніць на творчасць і паслужыць выдатным падарункам нашай Айчыне ў Год малой радзімы. Будзем удзячныя вам за каментары і водгукі, за слушныя парады і трапныя назіранні.
