«Банкуха-Фэст» у Поразаве: як прайшло першае свята пірага

У Поразаве прайшоў першы «Банкуха-Фэст». Свята аб’яднала мясцовыя традыцыі, народныя абрады і кулінарную спадчыну, піша svisgaz.by. У цэнтры ўвагі – знакамітая поразаўская банкуха, рэцэпт якой захоўваецца з пачатку ХХ стагоддзя.

Госці сталі ўдзельнікамі сапраўднага падарожжа ў мінулае. Адбыліся ўрачыстае зняцце банкухі з валака, выправа маладых і шэсце да Дома культуры. Удзельнікі свята ўбачылі рэканструкцыю эпізодаў старадаўняга поразаўскага вяселля з брамай і традыцыйнымі абрадамі.







Цікавасцю карыстаўся майстар-клас шэф-кухара Алены Мікульчык, якая падзялілася сакрэтамі кулінарнага майстэрства і паказала, як вырабляць цукеркі.

На конкурсе «Свята смаку і традыцый» удзельнікі прадэманстравалі разнастайнасць мясцовых страў.





Падводзячы вынікі свята, старшыня Свіслацкага раённага Савета дэпутатаў Віктар Суботка адзначыў важнасць захавання народных традыцый, падтрымкі мясцовых ініцыятыў і папулярызацыі культурнай спадчыны.

Оперативные и актуальные новости Гродно и области в нашем Telegram-канале. Подписывайтесь по ссылке!