“Гарадзенскай беларусачкай-2019” стала студэнтка ГрДУ імя Янкі Купалы Маргарыта Сецько

“Гарадзенскай беларусачкай-2019” стала студэнтка ГрДУ імя Янкі Купалы Маргарыта Сецько

Гарадскі фолк-конкурс праводзіўся ў дванаццаты раз.

За тытул “Гарадзенская беларусачка-2019” змагаліся шэсць прыгажунь – студэнтак вышэйшых і сярэдніх спецыяльных вучэбных устаноў Гродна. Удзельніцы знаёміліся з гледачамі праз конкурс творчых відэавізітовак, здзіўлялі талентамі, натхнялі прамоўніцкім майстэрствам, дэманстравалі веданне нацыянальнай беларускай кухні, дэфілявалі ў народных касцюмах і нават аформілі ўласную выставу.

IMG_0096.jpgIMG_0024.jpgIMG_0051.jpg

Кожная дзяўчына паланіла прыгажосцю і вытанчанасцю. Тым не менш, як падкрэслілі арганізатары, “Гарадзенская беларусачка” – гэта не конкурс прыгажосці ў прамым разуменні. Галоўны крытэрый у вызначэнні пераможцы – яскравае нацыянальнае самавызначэнне, веданне беларускіх традыцый і дасканалае валоданне роднай мовай.

IMG_0152.jpgIMG_0162.jpgIMG_0199.jpgIMG_0253.jpg

– Конкурс адраджае беларускія нацыянальныя традыцыі, саздейнічае папулярызацыі беларускай мовы і традыцыйных элементаў культуры, – адзначыла старшыня журы, начальнік аддзела мастацтваў і навучальных устаноў упраўлення культуры гарвыканкама Вольга Багдановіч. – Ён прапагандуе ідэю, што кожная дзяўчына, калі яна сапраўдная беларуска і сапраўдны грамадзянін сваей краіны, заўсёды можа дастойна і годна несці карону.

IMG_0350.jpgIMG_0263.jpgIMG_0313.jpg

Гарадзенкі прайшлі шэсць выпрабаванняў, да якіх рыхтаваліся на працягу двух месяцаў. Дзяўчаты дэманстравалі танцавальныя нумары, тэатральныя замалёўкі, спявалі, чыталі вершы. Зала актыўна падтрымлівала сваіх фаварытак. Сярод іншых ацэньваў выступленне Віталь Варанко – удзельнік тэлевізійнага праекта “Голас” і папулярнага брытанскага шоу Britain’s Got Talent. Ён адзначыў, што кожная дзяўчына – эталон сапраўднай беларускай грацыі.

IMG_0327.jpgIMG_0383.jpgIMG_0402.jpg

У выніку “Гарадзенскай беларусачкай-2019” стала студэнтка Гродзенскага дзяржаўнага ўніверсітэта імя Янкі Купалы Маргарыта Сецько. Дзяўчына вучыцца на першым курсе філалагічнага факультэта спецыяльнасць “Беларуская філалогія”. Прыгажуня любіць спорт і вядзе актыўную грамадзянскую дзейнасць, займаецца валанцёрствам і дапамагае цяжкахворым дзецям. Таксама Маргарыта стала “Міс глядацкіх сімпатый”.

Тытул першай віцэ-міс журы прызначыла Івоне Курчэўскай, студэнтцы Гродзенскага дзяржаўнага музычнага каледжа. Трэцяе месца ў конкурсе заняла Кацярына Русак з Гродзенскага дзяржаўнага прафесійна- тэхнічнага каледжа бытавога абслугоўвання насельніцтва.

IMG_0409.jpgIMG_0462.jpgIMG_0504.jpgIMG_0756.jpgIMG_9997.jpgIMG_0715.jpgIMG_0735.jpg

Дзяўчыны атрымалі каштоўныя падарункі ад арганізатараў конкурса – аддзела культуры Гродзенскага гарвыканкама і Гродзенскага гарадскога цэнтра культуры, а таксама ад спонсараў і партнёраў праекта.