Навукова-практычная канферэнцыя «Старажытнасці Ваўкавыскага краю: гісторыка-археалагічныя даследаванні» прайшла на абласных «Дажынках-2025»

Падчас абласнога фестывалю-кірмашу працаўнікоў вёскі «Дажынкі-2025» у Ваўкавыску адбылася значная падзея для навуковай супольнасці – навукова-практычная канферэнцыя «Старажытнасці Ваўкавыскага краю: гісторыка-археалагічныя даследаванні». 

Канферэнцыя, прымеркаваная да 100-годдзя адкрыцця крэмнездабываючых шахт каля гарадскога пасёлка Краснасельскі, сабрала маладых і дасведчаных навукоўцаў, гісторыкаў, археолагаў, зацікаўленых у вывучэнні багатай і шматграннай гісторыі Ваўкавышчыны.

У пачатку пленарнага паседжання з прывітальным словам да ўдзельнікаў звярнулася дырэктар Ваўкавыскага ваенна-гістарычнага музея імя П.І. Баграціёна Вольга Суета. Яна падкрэсліла важнасць правядзення такіх канферэнцый для папулярызацыі гістарычнай спадчыны краю і пажадала ўдзельнікам плённых дыскусій і новых адкрыццяў.







На канферэнцыі былі прадстаўлены даклады, прысвечаныя шырокаму спектру пытанняў, звязаных з археалагічнымі ракопкамі, гістарычнымі даследаваннямі і знаходкамі на тэрыторыі Ваўкавыскага раёна. Маладыя навукоўцы дзяліліся вынікамі сваіх даследаванняў. Асаблівую цікавасць выклікалі даклады, прысвечаныя вывучэнню крэмнездабыўных шахт каля Краснасельскага, якія з'яўляюцца ўнікальным помнікам гісторыі і сведчаць пра высокі ўзровень развіцця тэхналогій у старажытныя часы.

Канферэнцыя стала важнай пляцоўкай для абмену вопытам і ўстанаўлення навуковых кантактаў, а таксама падкрэсліла неабходнасць захавання і папулярызацыі гістарычнай спадчыны для будучых пакаленняў.

Ініцыятыва правядзення канферэнцыі ў рамках «Дажынак» яшчэ раз падцвярджае, што культура і гісторыя з'яўляюцца неад'емнай часткай жыцця беларускага народа, а цікавасць да мінулага – залог паспяховага развіцця ў будучыні.









Оперативные и актуальные новости Гродно и области в нашем Telegram-канале. Подписывайтесь по ссылке!