У Бераставіцы пройдзе адметнае брэндавае мерапрыемства раёна – свята падворкаў
Яно стане часткай святочных мерапрыемстваў, прымеркаваных да Дня Незалежнасці Беларусі, і адбудзецца 3 ліпеня.
Падворкі Бераставіцкага раёна вылучаюцца на кожным свяце: каларытныя, вясёлыя, кожны з іх прадстаўляе нешта адметнае і зусім непадобны да суседняга. Да прыкладу, на эйсмантаўскім можна будзе ў мініяцюры пабачыць вядомы Эйсмантаўскі фэст, а таксама шляхецкае вяселле. Вялікі кірмаш пройдзе на падворку вёскі Макараўцы. Традыцыі, звязаныя з уваходзінамі, пакажуць жыхары вёскі Пархімаўцы… Так кожны з дзевяці падворкаў запросіць гасцей стаць гледачамі ды ўдзельнікамі тэматычных тэатралізаваных праграм. Выступяць на іх і вядомыя музыканты ды калектывы: саліст ансамбля “Песняры” Алег Жалезнякоў, ансамбль народнай музыкі і песні “Уладары”, ансамбль песні і танца “Квецень” з Ваўкавыска, музыкальны тэатр “Рада” і кавер-група “Бугі-Бэнд” з Гродна.
Цікава будзе на гэтых падворках і малечы: каля кожнага развернецца выстава сельскагаспадарчай тэхнікі, сучаснай і старадаўняй. Шчодрыя бераставіцкія гаспадары і гаспадыні рады вітаць гасцей святочным караваем, вяндлінай ды каўбаскай, рыбкай з перцам, кручонікамі са свініны, вясковай смажанінай, салянкай “па-шляхецку”, бульбянымі галушкамі, гурочкамі ды грыбочкамі, бярозавым кваском ды вясёлым слаўцом! Працаваць падворкі будуць з 10 раніцы да сямі гадзін вечара.
Тым часам на галоўных пляцоўках выступяць вядомыя артысты Беларусі – Ларыса Грыбалёва, арт-група “Беларусы”. Увечары чакаецца канцэрт зоркі расійскай эстрады Таццяны Аўсіенка, лазерная шоу-праграма і прыгожы феерверк у гонар галоўнага дзяржаўнага свята – незалежнай Беларусі і беларусаў.
Падворкі Бераставіцкага раёна вылучаюцца на кожным свяце: каларытныя, вясёлыя, кожны з іх прадстаўляе нешта адметнае і зусім непадобны да суседняга. Да прыкладу, на эйсмантаўскім можна будзе ў мініяцюры пабачыць вядомы Эйсмантаўскі фэст, а таксама шляхецкае вяселле. Вялікі кірмаш пройдзе на падворку вёскі Макараўцы. Традыцыі, звязаныя з уваходзінамі, пакажуць жыхары вёскі Пархімаўцы… Так кожны з дзевяці падворкаў запросіць гасцей стаць гледачамі ды ўдзельнікамі тэматычных тэатралізаваных праграм. Выступяць на іх і вядомыя музыканты ды калектывы: саліст ансамбля “Песняры” Алег Жалезнякоў, ансамбль народнай музыкі і песні “Уладары”, ансамбль песні і танца “Квецень” з Ваўкавыска, музыкальны тэатр “Рада” і кавер-група “Бугі-Бэнд” з Гродна.
Цікава будзе на гэтых падворках і малечы: каля кожнага развернецца выстава сельскагаспадарчай тэхнікі, сучаснай і старадаўняй. Шчодрыя бераставіцкія гаспадары і гаспадыні рады вітаць гасцей святочным караваем, вяндлінай ды каўбаскай, рыбкай з перцам, кручонікамі са свініны, вясковай смажанінай, салянкай “па-шляхецку”, бульбянымі галушкамі, гурочкамі ды грыбочкамі, бярозавым кваском ды вясёлым слаўцом! Працаваць падворкі будуць з 10 раніцы да сямі гадзін вечара.
Тым часам на галоўных пляцоўках выступяць вядомыя артысты Беларусі – Ларыса Грыбалёва, арт-група “Беларусы”. Увечары чакаецца канцэрт зоркі расійскай эстрады Таццяны Аўсіенка, лазерная шоу-праграма і прыгожы феерверк у гонар галоўнага дзяржаўнага свята – незалежнай Беларусі і беларусаў.
