Што моладзь думае пра штучны інтэлект?


Непрыкметна штучны інтэлект трывала ўвайшоў у наша жыццё. Здаецца, ён павінен стаць добрым сябрам: дапамагаць у вучобе, рабоце, вырашаць нейкія бытавыя пытанні. Але ці варта верыць усяму, што ён нам выдае па запросу? Вось што думае на гэты конт наша моладзь
.

Эвеліна Лялько, настаўнік гісторыі Воранаўскай СШ імя Т.Я. Літоўчыка:

лялько.jpg
– Адназначна нельга давяраць інфармацыі, якую выдае штучны інтэлект. Прывяду прыклад, з якім сутыкнулася сама. 

На чацвёртым курсе ўніверсітэта, будучы на практыцы ў школе, вырашыла для пяцікласнікаў, каб іх больш зацікавіць, падрыхтаваць прэзентацыю з дапамогай штучнага інтэлекта. Тэма ўрока была “Старажытны свет. Культура Месапатаміі”. І што мне намаляваў ШІ? Дакладна вядома, што ў школах вучыліся толькі хлопчыкі. На малюнку разам з імі былі паказаны і дзяўчынкі. Пісалі ў той час на гліняных дошчачках. На малюнку была папера.

Уяўляеце, якая каша можа быць у людзей, якія самастойна вырашаць вывучыць гэту тэму з дапамогай ШІ?

Але атрыманы вынік “працы” ШІ я ўсё ж выкарыстала на ўроку. Пасля таго, як мы вывучылі тэму, прапанавала вучням знайсці памылкі, якія дапусціў ШІ. Такім чынам і тэму замацавала, і наглядна паказала, што любую інфармацыю з інтэрнэта трэба пераправяраць. Таму, каб не стаць ахвярай падману, трэба добра вучыцца, чэрпаючы інфармацыю з даставерных крыніц.

Дарэчы, гэта не адзіны раз, калі я назірала, як ШІ ўводзіць у зман: можа “пераблытаць” гістарычныя даты, прозвішчы мастакоў (карціну аднаго выдаць за іншага) і гэтак далей. 

Так што на сучасным этапе лічыць яго даставернай крыніцай інфармацыі нельга.

Аляксандра Тадарэнка, памочнік ляснічага Радунскага лясніцтва Лідскага лясгаса:

photo_2026-10-06_17-33-33.jpg
– Да штучнага інтэлекта я стаўлюся неадназначна. 

Пасля атрымання дыплома размеркавалася ў Радунь. Шчыра кажучы, ніколькі аб гэтым не пашкадавала. Мне тут настолькі ўсё падабаецца, што ёсць намер застацца пасля заканчэння адпрацоўкі.

Але мая сям’я – бацькі і малодшая сястрычка – засталася ў Дзятлава. Так што прыходзіцца вучыцца жыць самастойна. І ў гэтым сапраўды маю добрыя парады ад ШІ, у бытавых пытаннях ён мне добра дапамагае. Я маю на ўвазе рэцэпты блюд, як выдаліць пляму з адзення і гэтак далей. 

Аднак, калі паспрабавала знайсці карысную інфармацыю, звязаную з прафесійнай дзейнасцю, літаральна ні ў чым ён мне не дапамог.

Верагодна так атрымліваецца таму, што штучны інтэлект – гэта падборка ўсіх ведаў, што ёсць у інтэрнэце. Чым іх больш па нейкай тэме, тым дакладней вынік. 
Так што карыстацца ім, канешне, можна. Але з аглядкай, у якасці падказкі. Па вузкай тэматыцы лепш звярнуцца да класічных падручнікаў.

Обращаем внимание, что использование наших материалов, согласно Закону Республики Беларусь «Об авторском праве и смежных правах», возможно только при указании автора («Гродзенская праўда») и ссылки на первоисточник (конкретную статью на сайте), если письменно Ваше издание не уведомлено об ограничениях в использовании нашей информации.

Оперативные и актуальные новости Гродно и области в нашем Telegram-канале. Подписывайтесь по ссылке!

Редакция газеты «Гродненская правда»