У Наваельні адкрылі шматфункцыянальную спартыўную пляцоўку
На Дзятлаўшчыне ў Год міру і стварэння стала больш на яшчэ адзін сучасны спартыўны аб’ект, піша diatlovonews.by.
Напярэдадні Дня Кастрычніцкай рэвалюцыі на базе Новаяльнянскай сярэдняй школы адкрыта шматфункцыянальная спартыўная пляцоўка, пабудаваная ў рамках рэалізацыі маштабнага праекта “Спорт для ўсіх”, ініцыіраванага Прэзідэнцкім спартыўным клубам.
Удзел ва ўрачыстай цырымоніі прынялі прадстаўнікі адміністрацыі раёна, гарпасёлка, сфераў адукацыі, спорту і турызму, ідэалогіі, педкалектыў, школьнікі, жыхары Наваельні.
– Стала добрай традыцыяй напярэдадні святаў адкрываць сацыяльна значныя аб’екты, цудоўна, што і ў нас зноў ёсць такая магчымасць, – адзначыў старшыня райвыканкама Андрэй Садоўскі. – Рэалізаваць праект па будаўніцтве варкаўт-пляцоўкі ўдалося, дзякуючы Прэзідэнцкаму спартыўнаму клубу, частка сродкаў была выдзелена з раённага бюджэту. Наперадзе – адкрыццё яшчэ двух сацыяльна значных аб’ектаў ужо ў горадзе Дзятлаве. Нягледзячы на санкцыі і забароны, эканоміка Беларусі і рэгіёна працуе стабільна, дакладна, рытмічна, ёсць фінансавая магчымасць для рэалізацыі падобных праектаў. У Новаяльнянскай сярэдняй школе ў гэтым годзе зроблена шмат: мы ажыццявілі таксама 2 пускавыя комплексы рамонту без выкарыстання сродкаў Міжнароднага банка развіцця. За набытае спартыўнае абсталяванне дзякуем Прэзідэнцкаму спартыўнаму клубу, за ўвагу да развіцця спорту ў раёне і сельскіх населеных пунктах – упраўленню спорту і турызму Гродзенскага аблвыканкама і яго начальніку Максіму Малахоўскаму. Мяркую, традыцыя супрацоўніцтва будзе прадоўжана, ёсць планы і на наступны год. Новаяльнянскія навучэнцы дастойныя такога падарунка, бо праслаўляюць наш раён актыўнасцю ў творчых і навуковых конкурсах. Жадаю ім, каб да гэтага дадаліся яшчэ і спартыўныя поспехі, бо асноўны прыярытэт нашай дзяржавы – развіццё інтэлектуальнага і здаровага чалавека.
Кіраўнік раёна ў якасці падарунка ўручыў дырэктару Новаяльнянскай сярэдняй школы Алене Кругловай грашовы сертыфікат на 20 тысяч рублёў на рамонтныя работы ва ўстанове.
– Без належных умоваў займацца спортам і дасягаць высокіх вынікаў складана, – прадоўжыў тэму начальнік упраўлення спорту і турызму Гродзенскага аблвыканкама Максім Малахоўскі. – Таму я вельмі рады, што ў Наваельні з’явілася шматфункцыянальная вулічная спартыўная пляцоўка. Спадзяюся, яна ніколі не будзе пуставаць і сюды стануць прыходзіць і дзеці, і дарослыя, каб займацца фізкультурай і спортам, умацоўваць сваё здароўе, бо такія заняткі спрыяюць і інтэлектуальнаму развіццю. На 2024 год ёсць планы зрабіць яшчэ рад спартыўных аб’ектаў, магчыма, больш маштабных. Наогул у гэты дзень на Гродзеншчыне адкрываецца 3 пляцоўкі: у Наваельні, Юрацішках, Мастах. Усяго па праграме Прэзідэнцкага спартыўнага клуба ў Прынёманні мяркуецца ўвесці ў эксплуатацыю 17 такіх аб’ектаў. Гэта мы робім для моладзі, няхай у яе фарміруецца мода на спорт. Спадзяюся, што мы заклалі чарговую цаглінку ў магутны падмурак здароўя нацыі. Магчыма, хто-небудзь з прысутных школьнікаў вырасце вялікім спартсменам і пад гукі нацыянальнага гімна ўзыдзе на п’едэстал гонару Алімпійскіх гульняў ці чэмпіянату Свету. Памятайце, што шлях да вялікага спорту пачынаецца менавіта з такіх пляцовак, з фізкультуры, са здаровага ладу жыцця.
– Упэўнена, што новая пляцоўка будзе карысная не толькі для школьнікаў, але і для любога жыхара і госця пасёлка, – падзякавала ад імя новаяльнянцаў за падтрымку і фінансаванне Прэзідэнцкаму спартыўнаму клубу і раённай уладзе старшыня Новаяльнянскага сельвыканкама Людміла Радзевіч. – Праект “Спорт для ўсіх” важны і патрэбны, таму, спадзяюся, ён будзе рэалізаваны ў поўнай меры.
Традыцыйную чырвоную стужку на ўваходзе на спортпляцоўку перарэзалі Андрэй Садоўскі, Аляксандр Бараноўскі і Максім Малахоўскі. А паколькі ўсякая добрая справа пачынаецца яшчэ і з малітвы, то яе ўзнёс разам з прысутнымі і асвяціў новы спартыўны аб’ект настаяцель храма Нараджэння Прасвятой Багародзіцы гарпасёлка Наваельня протаіерэй Валерый Мануйла.
Права першага кідання мяча ў баскетбольнае кальцо новаяльнянцы прадаставілі госцю – Максіму Малахоўскаму. На гэтым урачыстая цырымонія скончылася, аднак хочацца спадзявацца, што шматфункцыянальная спартыўная пляцоўка падорыць усім, хто будзе яе наведваць, шмат прыемных і карысных для здароўя хвілін.
Оперативные и актуальные новости Гродно и области в нашем Telegram-канале. Подписывайтесь по ссылке!
Напярэдадні Дня Кастрычніцкай рэвалюцыі на базе Новаяльнянскай сярэдняй школы адкрыта шматфункцыянальная спартыўная пляцоўка, пабудаваная ў рамках рэалізацыі маштабнага праекта “Спорт для ўсіх”, ініцыіраванага Прэзідэнцкім спартыўным клубам.
Удзел ва ўрачыстай цырымоніі прынялі прадстаўнікі адміністрацыі раёна, гарпасёлка, сфераў адукацыі, спорту і турызму, ідэалогіі, педкалектыў, школьнікі, жыхары Наваельні.
Кіраўнік раёна ў якасці падарунка ўручыў дырэктару Новаяльнянскай сярэдняй школы Алене Кругловай грашовы сертыфікат на 20 тысяч рублёў на рамонтныя работы ва ўстанове.
Традыцыйную чырвоную стужку на ўваходзе на спортпляцоўку перарэзалі Андрэй Садоўскі, Аляксандр Бараноўскі і Максім Малахоўскі. А паколькі ўсякая добрая справа пачынаецца яшчэ і з малітвы, то яе ўзнёс разам з прысутнымі і асвяціў новы спартыўны аб’ект настаяцель храма Нараджэння Прасвятой Багародзіцы гарпасёлка Наваельня протаіерэй Валерый Мануйла.
Права першага кідання мяча ў баскетбольнае кальцо новаяльнянцы прадаставілі госцю – Максіму Малахоўскаму. На гэтым урачыстая цырымонія скончылася, аднак хочацца спадзявацца, што шматфункцыянальная спартыўная пляцоўка падорыць усім, хто будзе яе наведваць, шмат прыемных і карысных для здароўя хвілін.
Оперативные и актуальные новости Гродно и области в нашем Telegram-канале. Подписывайтесь по ссылке!
