Скульптурную кампазіцыю “Мядзведжая акадэмія” адкрылі ў Смаргоні
Усіх уразілі вялізны, ростам два метры і сорак сантыметраў, танцор-мядзведзь і два павадыры-скамарохі...
У святочны масленічны дзень у райцэнтры на галоўнай алеі парку ўрачыста адкрывалі новую скульптурную кампазіцыю “Мядзведжая акадэмія”.
Першы намеснік начальніка галоўнага ўпраўлення ідэалагічнай работы, культуры і па справах моладзі аблвыканкама Аляксандр Вярсоцкі выказаў пачуццё гонару за сваіх землякоў. У смаргонскага краю, нагадаў ён, багатая гісторыя, тут нямала творчых людзей, і вельмі добра, што ўдаецца падтрымаць іх добрыя задумкі.
Калі ганаровыя госці, сярод якіх і аўтар кампазіцыі скульптар Уладзімір Церабун, знялі покрыў са скульптур, усіх уразілі вялізны, ростам два метры і сорак сантыметраў, танцор-мядзведзь і два павадыры-скамарохі.
– Унутры яны пустацелыя, але з месца не зрушыш – у падмурках ёсць закладныя пласціны, якія трывала трымаюць усе фігуры на месцы, – запэўніў скульптар.
Карэспандэнту “ГП” Уладзімір Васільевіч прызнаўся, што распрацаваў эскіз помніка “Мядзведжай акадэміі” больш дзесяці гадоў таму, да 500-годдзя Смаргоні:
– І нядзіўна – гэта ж брэнд горада, яго гісторыя, яго памяць. Ні ў адным з гарадоў Еўропы не было такой школы дрэсіроўкі мядзведзяў – толькі ў Смаргоні.
Мы пайшлі на эксперымент – адлілі фігуры з чугуна. Раней такой тэхналогіі ў Беларусі не было. Затое ўдвая танней, чым з бронзы, з якой планавалася. Канешне, я рызыкаваў, бо вопыту ў “чугуннай” справе ў мяне не было ніякага. Заняла ўся праца тры месяцы – ад адліўкі да ўстаноўкі. Работа выконвалася ў скульптурным камбінаце, потым фігуры адлівалі на радыятарным заводзе ў Мінску. Заказчык работ – УКБ райвыканкама, генеральны падрадчык – будаўнічы трэст №41.
У маі плануем побач з кампазіцыяй паставіць камень, на якім напішам, што яна азначае, якому перыяду гісторыі прысвечана. Побач паставім лаўкі і ліхтары. Якое цудоўнае месца для прагулак атрымаецца!
– На вашу думку, помнікаў якім падзеям не хапае гораду?
– Сёлета патрэбна ўсталяваць мемарыял, прысвечаны падзеям Першай сусветнай вайны. Гэта самае важнае. Зараз абмяркоўваецца ідэя ўстаноўкі ў Крэве памятнага знака, прысвечанага Крэўскай уніі. Ёсць задумка зрабіць яго ў выглядзе шахматнай фігуры – каралеўскай ладдзі. Былі планы ўсталяваць помнік яшчэ адной гістарычнай падзеі – менавіта ў Смаргоні Напалеон склаў з сябе камандаванне арміяй і кінуўся ў бегства. Абгаворваліся планы ўстаноўкі “Лаўкі Напалеона”. Багатую гістарычную спадчыну трэба выкарыстоўваць.
Мядзведзь і скамарохі цэлы дзень да змяркання знаходзіліся ў шчыльным людскім коле. Хтосьці хацеў тут сфатаграфавацца, хтосьці датыкнуцца да фігуры – на ўдачу.
Першы намеснік начальніка галоўнага ўпраўлення ідэалагічнай работы, культуры і па справах моладзі аблвыканкама Аляксандр Вярсоцкі выказаў пачуццё гонару за сваіх землякоў. У смаргонскага краю, нагадаў ён, багатая гісторыя, тут нямала творчых людзей, і вельмі добра, што ўдаецца падтрымаць іх добрыя задумкі.
Калі ганаровыя госці, сярод якіх і аўтар кампазіцыі скульптар Уладзімір Церабун, знялі покрыў са скульптур, усіх уразілі вялізны, ростам два метры і сорак сантыметраў, танцор-мядзведзь і два павадыры-скамарохі.
– Унутры яны пустацелыя, але з месца не зрушыш – у падмурках ёсць закладныя пласціны, якія трывала трымаюць усе фігуры на месцы, – запэўніў скульптар.
Карэспандэнту “ГП” Уладзімір Васільевіч прызнаўся, што распрацаваў эскіз помніка “Мядзведжай акадэміі” больш дзесяці гадоў таму, да 500-годдзя Смаргоні:
– І нядзіўна – гэта ж брэнд горада, яго гісторыя, яго памяць. Ні ў адным з гарадоў Еўропы не было такой школы дрэсіроўкі мядзведзяў – толькі ў Смаргоні.
Мы пайшлі на эксперымент – адлілі фігуры з чугуна. Раней такой тэхналогіі ў Беларусі не было. Затое ўдвая танней, чым з бронзы, з якой планавалася. Канешне, я рызыкаваў, бо вопыту ў “чугуннай” справе ў мяне не было ніякага. Заняла ўся праца тры месяцы – ад адліўкі да ўстаноўкі. Работа выконвалася ў скульптурным камбінаце, потым фігуры адлівалі на радыятарным заводзе ў Мінску. Заказчык работ – УКБ райвыканкама, генеральны падрадчык – будаўнічы трэст №41.
У маі плануем побач з кампазіцыяй паставіць камень, на якім напішам, што яна азначае, якому перыяду гісторыі прысвечана. Побач паставім лаўкі і ліхтары. Якое цудоўнае месца для прагулак атрымаецца!
– На вашу думку, помнікаў якім падзеям не хапае гораду?
– Сёлета патрэбна ўсталяваць мемарыял, прысвечаны падзеям Першай сусветнай вайны. Гэта самае важнае. Зараз абмяркоўваецца ідэя ўстаноўкі ў Крэве памятнага знака, прысвечанага Крэўскай уніі. Ёсць задумка зрабіць яго ў выглядзе шахматнай фігуры – каралеўскай ладдзі. Былі планы ўсталяваць помнік яшчэ адной гістарычнай падзеі – менавіта ў Смаргоні Напалеон склаў з сябе камандаванне арміяй і кінуўся ў бегства. Абгаворваліся планы ўстаноўкі “Лаўкі Напалеона”. Багатую гістарычную спадчыну трэба выкарыстоўваць.
Мядзведзь і скамарохі цэлы дзень да змяркання знаходзіліся ў шчыльным людскім коле. Хтосьці хацеў тут сфатаграфавацца, хтосьці датыкнуцца да фігуры – на ўдачу.
