У літоўскім горадзе Шаўляй прайшоў фестываль беларускай песні
Імпрэзу прымеркавалі да 20-годдзя мясцовай суполкі беларусаў у Літве. Павіншаваць юбіляраў прыйшлі Пасол Беларусі ў Літве Аляксандр Кароль, мэр города Шаўляй Юсцінас Сартаўскас, сябры з іншых нацыянальных суполак.
У суботу, 4 кастрычніка, глядзельная зала гарадскога цэнтра культуры ў Шаўляі была цалкам запоўнена гледачамі: тут праходзіў фестываль “Беларуская песня-2014”, які праводзіцца ў Літве ўжо 18-ты раз. У Шаўляі свята беларускай песні ладзілася ўпершыню за дзесяцігоддзе.
- За час свайго існавання фестываль стаў адной з самых яскравых і адметных падзей у грамадска-культурным жыцці беларускай нацыянальнай меншасці ў Літве. Ён аб’ядноўвае тых, хто любіць нашу краіну, ганарыцца яе шматвяковай гісторыяй, паважае традыцыі беларускага народа, - адзначыў у сваім прывітальным слове Надзвычайны і Паўнамоцны Пасол Беларусі ў Літве Аляксандр КАРОЛЬ.
На яго думку, галоўнае ў фестывалі - каб як мага больш людзей пачулі голас роднай зямлі, які так цёпла і пранікнёна гучыць у беларускай песні.
Самадзейны калектыў “Сябрына” з Вільні праспяваў традыцыйную песню “Цячэ вада ў ярок”, якую падтрымлівала амаль уся глядзельная зала. Адзначым, што клуб беларусаў “Сябрына” (на базе якога існуе аднайменны самадзейны калектыў) быў першай беларускай грамадскай арганізацыяй, зарэгістраванай ў Літве пасля 1940 года. Асноўная задача клуба – культурна-асветніцкая.
- Мы працягваем добрыя традыцыі беларусаў у Літве, садзейнічаем ўмацаванню нашай нацыянальнай свядомасці і адзінства, - падкрэсліў у размове з карэспандэнтам “ГП” старшыня клуба “Сябрына” Валянцін СТЭХ.
Напоўнілі душы і сэрцы слухачоў пяшчотай і дабрынёй выступленні калектыва мастацкай самадзейнасці “Раніца” з города Шальчынінкай, фальклорнага ансамбля “Світанак” з Вісагінаса. Дарэчы, апошні калектыў прапанаваў варыянт адметнай песні беларусаў, што жывуць у Літве, які б з’яднаў землякоў і змог стаць своеасаблівым гімнам для іх. Уся зала прыняла прапанову, падняўшыся са сваіх месцаў.
У якасці званага госця з Беларусі выступіў фальклорны ансамбль беларускай песні, музыкі і танца “Крупніцкія музыкі”. Пад польку ў яго выкананні слухачы гатовыя былі пусціцца ў скокі.
Адзначым, што кожны з калектываў паказаў талент, любоў і павагу да роднай спадчыны, беларускага слова, мовы і сваіх нацыянальных каранёў.
Дарэчы
У рамках фестывалю адбылося ўзнагароджанне ветеранаў, што вызвалялі Беларусь падчас Вялікай Айчыннай вайны, а зараз жывуць у Літве, медалём “70 год вызвалення Рэспублікі Беларусь ад нямецка-фашысцкіх захопнікаў” . Узнагародамі адзначаны 14 ветэранаў з Шаўляйскага рэгіёну.
Васіль Мішчанка, якому ужо 94 гады, узгадаў у размове, як удзельнічаў у абароне Масквы, як вызваляў Беларусь, дайшоўшы да Гродна.
Медалі ветэранам уручыў Пасол Беларусі ў Літве Аляксандр Кароль. Такія ж узнагароджанні ўжо адбыліся ў Вільнюсе і Клайпедзе. Усяго ў Літве медалі “70 год вызвалення Беларусі” атрымаюць звыш 300 ветэранаў.
У суботу, 4 кастрычніка, глядзельная зала гарадскога цэнтра культуры ў Шаўляі была цалкам запоўнена гледачамі: тут праходзіў фестываль “Беларуская песня-2014”, які праводзіцца ў Літве ўжо 18-ты раз. У Шаўляі свята беларускай песні ладзілася ўпершыню за дзесяцігоддзе.
- За час свайго існавання фестываль стаў адной з самых яскравых і адметных падзей у грамадска-культурным жыцці беларускай нацыянальнай меншасці ў Літве. Ён аб’ядноўвае тых, хто любіць нашу краіну, ганарыцца яе шматвяковай гісторыяй, паважае традыцыі беларускага народа, - адзначыў у сваім прывітальным слове Надзвычайны і Паўнамоцны Пасол Беларусі ў Літве Аляксандр КАРОЛЬ.
На яго думку, галоўнае ў фестывалі - каб як мага больш людзей пачулі голас роднай зямлі, які так цёпла і пранікнёна гучыць у беларускай песні.
Самадзейны калектыў “Сябрына” з Вільні праспяваў традыцыйную песню “Цячэ вада ў ярок”, якую падтрымлівала амаль уся глядзельная зала. Адзначым, што клуб беларусаў “Сябрына” (на базе якога існуе аднайменны самадзейны калектыў) быў першай беларускай грамадскай арганізацыяй, зарэгістраванай ў Літве пасля 1940 года. Асноўная задача клуба – культурна-асветніцкая.
- Мы працягваем добрыя традыцыі беларусаў у Літве, садзейнічаем ўмацаванню нашай нацыянальнай свядомасці і адзінства, - падкрэсліў у размове з карэспандэнтам “ГП” старшыня клуба “Сябрына” Валянцін СТЭХ.
Напоўнілі душы і сэрцы слухачоў пяшчотай і дабрынёй выступленні калектыва мастацкай самадзейнасці “Раніца” з города Шальчынінкай, фальклорнага ансамбля “Світанак” з Вісагінаса. Дарэчы, апошні калектыў прапанаваў варыянт адметнай песні беларусаў, што жывуць у Літве, які б з’яднаў землякоў і змог стаць своеасаблівым гімнам для іх. Уся зала прыняла прапанову, падняўшыся са сваіх месцаў.
У якасці званага госця з Беларусі выступіў фальклорны ансамбль беларускай песні, музыкі і танца “Крупніцкія музыкі”. Пад польку ў яго выкананні слухачы гатовыя былі пусціцца ў скокі.
Адзначым, што кожны з калектываў паказаў талент, любоў і павагу да роднай спадчыны, беларускага слова, мовы і сваіх нацыянальных каранёў.
Дарэчы
У рамках фестывалю адбылося ўзнагароджанне ветеранаў, што вызвалялі Беларусь падчас Вялікай Айчыннай вайны, а зараз жывуць у Літве, медалём “70 год вызвалення Рэспублікі Беларусь ад нямецка-фашысцкіх захопнікаў” . Узнагародамі адзначаны 14 ветэранаў з Шаўляйскага рэгіёну.
Васіль Мішчанка, якому ужо 94 гады, узгадаў у размове, як удзельнічаў у абароне Масквы, як вызваляў Беларусь, дайшоўшы да Гродна.
Медалі ветэранам уручыў Пасол Беларусі ў Літве Аляксандр Кароль. Такія ж узнагароджанні ўжо адбыліся ў Вільнюсе і Клайпедзе. Усяго ў Літве медалі “70 год вызвалення Беларусі” атрымаюць звыш 300 ветэранаў.
Фота Леаніда ШЧАГЛОВА
