Міністр сельскай гаспадаркі і харчавання Леанід Заяц наведаў Ашмяншчыну
У суботу міністр сельскай гаспадаркі і харчавання Рэспублікі Беларусь Леанід Заяц наведаў Ашмянскі раён.
Падчас размовы са старшынёй Ашмянскага райвыканкама Міраславам Сарасекам міністр цікавіўся вынікамі жніва, сацыяльна-эканамічным развіццём рэгіёна, станам сельскагаспадарчай галіны ўвогуле і льнаводства ў прыватнасці. Таксама Леанід Заяц наведаў ААТ “Ашмяны-Лён”, азнаёміўся з вытворчай базай, перапрацоўчымі цахамі, пляцоўкай для захоўвання сыравіны.
